nóv 05 2026
Skipulagsdagurinn 2026
Grand Hótel
Í tilefni hins alþjóðlega GIS-dags þann 18. nóvember ætlar LÍSA að efna til bjórhittings á RVK Bruggfélagi, Skipholti 33 frá kl. 17. Hægt er að melda sig á viðburðinn
GIS-dagurinn er haldinn miðvikudag, þriðju viku nóvember ár hvert og í ár ber hann upp á 18. nóvember. Markmið dagsins er að sýna hvernig GIS hjálpar samfélögum að skilja, stýra og skipuleggja umhverfi sitt og hvernig staðbundin tækni styður upplýstar ákvarðanir í mörgum geirum. Háskólar, bókasöfn, sveitarfélög, stofnanir og fyrirtæki um heim allan skipuleggja sjálf sína eigin viðburði s.s. fyrirlestra, veggspjaldasýningar, vinnustofur og kortagerð og hægt er að sjá hvaða viðburðir eru í boði á kortasjá www.gisday.com.
GIS-samkoman okkar verður með öllu óformleg og er ætlunin að gefa landupplýsingafólki á Íslandi tækifæri til að hittast, tengjast og rabba saman yfir bjórkollu.
LÍSU samtökin eru einu frjálsu félagasamtökin á Íslandi sem hafa það að markmiði að efla samstarf aðila með landupplýsingar og stuðla að aukinni útbreiðslu, notkun og samnýtingu gagna. Mikilvægur þáttur í starfinu er að miðla af reynslu og skýra verkferla fyrir samskipti með gögn. Þetta er brýnt viðfangsefni því ónákvæm gögn og óljósir verkferlar fela í sér meiri tíma í vinnu en annars þyrfti og oft erfitt mat á fyrirliggjandi gögnum.
Markmið samtakanna er að efla samstarf aðila með landfræðileg gögn. Samtökin eiga að vera vettvangur fyrir félagsmenn til umræðna og skoðanaskipta, veita upplýsingar til félaga og annarra um starfsemi sína, sinna kynningar og fræðslustarfi og taka þátt í erlendu samstarfi. Samtökin skulu stuðla að notkun íslenskrar tungu í landupplýsingafræðum.